Ajo’ a Fuedhai è una rubrica in limba curata dall’esperto in lingua sardo-campidanese e tradizioni popolari Bruno Orrù dedicata a tutti coloro che si interessano alla lingua sarda. Presenta una nutrita serie di racconti: “Is paristorias” e di lezioni di grammatica. Lessico e modi di dire e civiltà sarda, con possibilità di interagire gratuitamente con l’esperto. Un’opportunità per i cultori e per tutti gli appassionati di conoscere la lingua e la cultura sarda a portata di click.

Oggi vi proponiamo la nona lezione di grammatica: “S’agetivu”

Sa parti chi trataus oi, po mei est una de is prus importantis. Arregordais candu si brullànt de nosu ca poita naramus “Capitomi hai” tradusendi su chi fit giustuin sadru “Cumprendiu m’as”. Oi sa tendentzia est cussa de tradusi mali de s’italianu a su sadru ecu poita intendeus nai “su miu cuadhu”…. “una femmina Bellissima” e aici a innantis, poita traduseus de s’italianu a su sardu sentza de tenni contu de is regulas de su sardu…

S’AGETIVU

S’AGETIVU determinat su nomini donendidhi piessignus diferentis e, a diferentzia de s’articulu, no sempiri d’agataus acanta a su nomini po su cali dhu imperaus:

• Sa domu = est sa domu chi scieus
• Una domu = est una domu cali si siat
• Una domu bella = est una domu de sa cali inditaus unu piessignu “bella”
• S’ùrtima domu = est una domu de sa cali inditaus unu piessignu “urtima”
• Una domu orrorosa = est una domu de sa cali inditaus unu piessignu “orrorosa”

No importat chi s’agetivu siat postu acanta de su nomini o pustis du su verbu “essiri”,

podeus nai: Sa domu bella

Sa domu est bella

Sa domu chi parit bella

S’agetivu “bella” est sempiri acapiau a su nomini “domu”

S’agetivu sighit sempiri su numuru e sa essida de mascu o femmina de su nomini e, issu puru, coment’e a su nomini, est dividìu in classis:

	Mascu	Femmina	Mas. Plur.	Fem. Plur.
1^ Classi	U / O	A	US	AS
2^ Classi	E / I	E / I	ES / IS	ES / IS

“Unu piciocu tristu / una picioca trista” “Unu pilloni grogu / una mela groga” “dus ominis mannus / duas feminas mannas” “tres gravellus arrubius /tres rosas arrubias”

Nci sunt però agetivus chi no mudant po mascu e femina: “unu bistiri birdi / una mela birdi” “Dus bistiris birdis / duas follas birdis”.

Talis bortas s’agetivu femminili si cumportad comenti chi siat unu “participiu” e tenit abbisongiu de imperai sa /d/ prima de sa desinentzia. Po si cumprendi podeus nai:

• s’agetivu PREXAU, imperau po una femmina, depit mudai sa desinentzia /U/ cun sa desinentzia /A/, ma, in custa si iat a mudai in PREXAA, cosa custa chi no porit essi e, po custu motivu, si cumportaus comenti chi s’aggettivu fessit unu participiu e acciungeus sa /D/, mudendi s’aggetivu femminili in PREXADA.

STIMAU _ STIMADA; FULIAU _ FELIADA e aici a innantis.

Abarrat sentza de mudai de mascu a femmina fintze s’agetivu “grandu” o “bete” (Logudoresu), custu agetivu chi si imperat po inditai una cosa importanti, si poni sempiri prima de su nomini, oici eus a nai “ una grandu femina / unu grandu omini” (differenti de una femina manna o de un’omini mannu) “una grandu festa /unu grandu sennori” (deffereti de una festa manna o de unu sennori mannu);

aici puru is agetivus: primu – totu e matessi abarrant invariaus e andant prima de su nomini: su primu omini, totu sa dì, sa matessi cosa, su matessi frutu.

Podeus nai ca nci sunt duas calidadis de agetivus: is primus serbint a inditai una calidadi de su nomini, ma no a dhi donai una cantidadi, formant una classi oberta, faint parti de su “lessicu” de sa lingua sarda e porint teni fuedhus chi inditant sa matessi calidadi e calidadi contraria (bellu – leggiu / piticu – mannu). Is segundus, invecis, sunt parti de sa “grammatica” e porint essi imperaus po aggetivus o po pronomini.

Is primus sunt agetivus “qualificativus”, is segundus “determinativus”

Qualificativus	Determinativus
Sunti parti de su lessicu	Sunti parti de sa grammatica
Sunti una classi oberta	Sunti classi serrada
Porint tenni fuedhus similis	No tenint fuedhus similis
Sunt feti aggetivus o avverbius	Sun feti aggetivus e pronominis

Podeus cumprendi mellus in custa manera:

• chi andaus a circai in su vocabolariu su fuedhu BASCIU, issu si narat ca su fuedhu est parti de su “Lessicu”, si indìtat atrus fuedhus chi nanta sa matessi cosa (curtzu – piticu) e fuedhus chi nanta su contrariu (artu – mannu – longu). Dhu podeus puru imperai coment’e avverbiu candu naraus: “FUEDHA BASCIU”
• mentris, chi circaus CUSTU, si narat ca su fuedhu fait parti de sa grammatica, no agataus fuedhus chi nanta sa matessi cosa o sa cosa contraria.

In sa lingua sarda, s’agetivu qualificativu e calencunu determinativu, andat postu, in sa normalidadi, pustis de su nomini: BAGADIA MANNA – SI BOLIT FAI STOGUMU BONU – TZERRIADHU A BOXI MANNA – S’EST FATU UNA DOMU BELLA

Calancunu agetivu, chi mudat de postu, fait diferentzia de significau:

• Ita bonas novas?– dhu imperaus po pregontai su motivu de una bisita, po nai, sentz’e portai offesa: comenti mai ses innoi?
• Novas bonas! Dhu imperaus po nai ca portaus novas, ca teneus calencuna cosa de contai.
• Bai in bon’ora!Dhu imperaus po augurai a calencunu di essi acumpangiau debona sorti
• Ma bai in ora bona!Dhu imperaus po augurai a calencunu di essi disfortunau.

Is agetivus porint essi postus a pari tra de issus o cun is nominis e pronominis e, in sa lingua sarda puru porint essi postus a pari po inditai chi sunt paris po paris, chi sunt s’unu prus de s’atru o chi sunt s’unu mancu de s’atru.

PARIS PO PARIS:

Medas bortas, po chini est avessu a fuedhai pagu su sardu, si costumat a imperai sa regula de sa lingua italiana: E’ TANTO GRANDEQUANTO INTELLIGENTE.

In sa normalidadi de su fuedhai sardu est meda raru de intendi nai ISSU EST TANTI MANNU CANTU ABISTU, poita su sardu:

1. Candu seus fuedhendi de sa matessi persona o de sa matessi cosa, imperat CANTUprima de is dus agetivus chi poneus a pari:

• Cantuest mannu est abistu;
• Cantu est bella est ferenada;

2. Candu fuedhat de personas o cosas diferentis imperat:
3. COMENTI / COMENTE: (in sa propriu manera) issa est bella comenti unu frori; sa dì porit essi bella comentileggia;
4. CHE A: issu est abili che asu tziu; est bella che a sa mamma;

De arregordai ca: algunas bortas, candu poneus a pari imperendi CHE, no imperaus s’articulu:

• Lestru che tzirigheta – tremendi che folla – marigosu che feli;

1. CANTU /CANTU A: (in sa propriu cantidadi) est arricu cantuasuriu; est tostorrudu cantu a su babbu, est bonu cantu Deus est giustu.

DE PRUS:

po nai ca una calidadi est prus de un’atra, su sardu imperat: PRUS….. DE ….; PRUS…. CHE…..:

Est prus mannu de mei; est prus abili de su fradi; seu prus siccu che arricu;

DE MANCU:

po nai ca una calidadi est prus pagu de un’atra, su sardu imperat: PRUS PAGU… DE …

Est prus pagu barata de sa farra; est prus pagu callenti de su fogu

In Sadru no est intzetau a nai prus bonu o prus malu, ma depeus nai MELLUS / MEZUS o PEUS / PEJUS, eus a nai invecis PRUS MANNU e PRUS PITICU, poita is fuedhus majore e minore benint imperaus feti in Logudoru po inditai: Majore un ufitziali e minore unu piciocheddu/a piticu/a de edadi.

Candu boleus inditai una calidadi meda forti, in Sadru arredopiaus su fuedhu, po si cumprendi, pighendi de sa lingua italiana:

• Urla fortissimo = Tzérriat a forti a forti;
• È diventato rossissimo = s’est fatu arrubiu arrubiu
• Una roccia enorme = una roca manna manna

Podeus puru fai cumprendi su gradu de s’agetivu, aciungendidhi un’atru fuedhu. Po si cumprendi:

• Po nai ca seu aici stancu de no ndi podi prus naru “seu stancu mortu;
• po nai ca unu o ca una cosa est becia meda, naraus: beciu stantissu

naraus ancora surdu pedrali – scurigau motu – stracu baratu e aici innantis.

Po serrai custu argumentu podeus nai ca s’agetivu porit essi de duas calidadis, a segunda de su postu chi pigat in cunfrontu a su fuedhu:

• assignat una calidadi a su nomini (in italianu emus a nai funzione attributiva) candu acumpangiat su nomini sentz’e chi nci siant atrus fuedhus in mesu: noti frida – manu cancarada – peddi allissada….
• Predicat calencuna cosa de su sogetu o de su complementu (in italianu emus a nai funzione predicativa), candu sighit unu verbu, in sa normalidadi su verbu essiri, ma porint incapitau atrus verbus puru acumpangiaus de cumplementus: cussu pressiu est durci– deu tengu unu cuadhu chi est pei arbu – cuss’omini camminat lestru lestru.

S’agetivu cuncodrat sempiri cun su nomini po su cali dhu imperaus:

• Circa unu cuadhuchi siat biancu
• Circa un’ebachi siat bianca;
• Circa dus cuadhuschi siant biancus;
• Circa duas ebaschi siant biancas.

Candu s’agetivu est imperau po inditai unu mascu e una femina, cuncodrat sempiri cun su nomini mascu, cuncodrat cun su nomini femina feti candu inditat una calidadi chi appartenit a i cussa feti:

• Is pressiuse is mindulas sunt frorius (sunt totus frorius, pressius e mindulas)
• Nci furint pressius e mindulas frorias (sunt frorias feti is mindulas).

AGETIVUS DE POSSESSU E DE AMMOSTU

(It. Possessivi e Dimostrativi)

S’agetivu de possessu benit imperau po inditai su possessu de una cosa (sa domu mia) o una parentela (fradili tuu), a diferentzia is agetivus de ammostu si imperant po inditai sa distàntzia deu una cosa o de una persona o de un animali. Totu a is dus porint essi imperaus coment’e agetivus determinativus, acumpangendi su nomini chi mudant de calidadi, opuru porint essi imperaus coment’e pronomini, imperendidhus a su postu de su nomini a su cali s’arrelatant:

Agetivu	Pronomini
Sa berrita mia	Est sa mia (berrita)
Custu binu est bostu	Custu est su bostu (binu)
Sa camisa sua	Est sa sua (camisa)

Comenti fait in sa lingua italiana, in sadru puru s’agetivu de possessu cuncordat cun su nomini a su cali s’arrelatat, in su numuru e in su calidadi (mascu o femina). Feti sa de tres personas plurali abarrat oguali po mascu e po femina:

		1^ Sin.	2^ Sin.	3^ Sin.	1^ plu.	2^ plu	3^ plu
Mascu	Singulari	MIU	TUU	SUU	NOSTU	BOSTU	INSORU
Mascu	Plurali	MIUS	TUUS	SUUS	NOSTUS	BOSTUS	INSORU
Femmina	Singulari	MIA	TUA	SUA	NOSTA	BOSTA	INSORU
Femmina	Plurali	MIAS	TUAS	SUAS	NOSTAS	BOSTAS	INSORU

In Logudoresu:

		1^ Sin.	2^ Sin.	3^ Sin.	1^ plu.	2^ plu	3^ plu
Mascu	Singulari	MEU	TUO	SUO	NOSTRU	BOSTRU	ISSORO
Mascu	Plurali	MEOS	TUOS	SUOS	NOSTROS	BOSTROS	ISSORO
Femmina	Singulari	MEA	TUA	SUA	NOSTRA	BOSTRA	ISSORO
Femmina	Plurali	MEAS	TUAS	SUAS	NOSTRAS	BOSTRAS	ISSORO

In sadru, s’agetivu de possessu, andat postu SEMPIRI pustis de su nomini a su cali s’arrelatat:

1. SU CUADHU MIU e no Su Miu Cuadhu (il mio cavallo);
2. BABBU TUU EST IN DOMU e no Su tuu Babbu est in domu (tuo padre è a casa)
3. CUDHA DOMU EST INSORU e no Cussa est sa insoru domu (quella è la loro casa)

Po donai prus fortza a s’agetivu, su campidanesu costumat a poni, inanti de s’agetivu de possessu su fuedhu “COSA”:

SA DOMU COSA MIA – SU CUADHU COSA SUA – SA FARRA COSA INSORU

Is agetivus de AMMOSTU, invecis, si dividint in tres calidadis, chi si imperant a segunda de sa distàntzia chi passat trà su chi fuedhat e su chi enit inditau:

		Acanta de mei	Acanta de tui	Atesu de nosu
Mascu	Singulari	CUSTU	CUSSU	CUDHU
Mascu	plurali	CUSTUS	CUSSUS	CUDHUS
Femmina	Singulari	CUSTA	CUSSA	CUDHA
Femmina	plurali	CUSTAS	CUSSAS	CUDHAS

Sa matessi regula po su Logudoresu:

		Acanta de mei	Acanta de tui	Atesu de nosu
Mascu	Singulari	CUSTU	CUSSU	CUDHU
Mascu	plurali	CUSTOS	CUSSOS	CUDHOS
Femmina	Singulari	CUSTA	CUSSA	CUDHA
Femmina	plurali	CUSTAS	CUSSAS	CUDHAS

Is agetivus de ammostu andat postus inanti de su nomini a su cali s’arrelatant:

• CUSTA EST SA DOMU MIA;
• CUSSA EST SA BARCA TUA;
• CUDHU EST SU CUADHU SUU.

Su Sadru imperat coment’e agetivu de possessu fintz’e su fuedhu ALLENU / ANZENU:

• AT FURAU BESTIAMINI ALLENU;
• NO MI CONTIS CHISTIONIS ALLENAS.

Tali bortas, s’agetivu possessivu beniut imperau invecis de su pronomini, candu su pronomini, po regula, portat inanti una preposizioni:

• Invecis de INNANTIS DE MEI, naraus INNANTIS MIU;
• Invecis de PAGU BENI DE MEI naraus PAGU BENI MIU;
• Invecis de A DOLU MANNU DE NOSU naraus A DOLU MANNU NOSTU

AGETIVUS NO DEFINIUS E DE NUMURU

In sa lingua Italianas sunt inditaus comenti: “Aggettivi Indefiniti” e “Aggettivi Numerali”, nosu, po si cumprendi dhus inditaus cun is nominis “No Definius” e “De Numuru”.

Is agetivus no definius e de numuru serbinti feti po inditai una cantidadi, tali borta inditendi sa cantidadi pretzisa, tali atra borta inditendi una cantidadi prus o mancu.

Po si cumprendi:

• Chi naraus CUDHA MATA, inditaus una mata pretzisa e dha podeus inditai fintz’e cun su didu.
• Chi naraus UNAS CANTU MATAS non podeus nai de cantu matas seus fuedhendi e né da cali mata seus fuedhendi.

Sa differentzia chi passat trà su agetivu chi serbit a inditai una cantidadi e su pro nomini “determinativu” (chi eus giai biu) est, pagu prus o mancu, sa matessi chi passat tra s’articuli determinativu e cussu indeterminativu. Arregordeus ca su Sardu, coment’e su Spagnolu e su Catalanu, imperat su plurali de su numuru unu “unus/unas”, propriu po inditai una cantidadi pagu pretzisa e no definia.

Po si cumprendi:

• Unascentu domus = un centinaio di case /circa cento case
• At a teni unus cinc’annus = avrà circa cinque anni

Coment’eus nau agataus formas ogualis in su spagnolu (tendrá unos cinco años) e in su catalanu (tindrà uns cinc anys).

Innoi, de sighiu, inditaus is agetivus e pronominis chi prus imperaus in sa normalidadi:

	CAMPIDANESU		LOGUDORESU
Italianu	pronomini	agetivu	pronomini	agetivu
nessuno	Nemus – nisciunus	Nisciunu/s – perunu	Nemos – nessune – niune	perunu
nulla	Nudha – nienti	Nudha – nienti	Nudha	Nudha
qualche		Unus – unas cantu	carchi
Alcuno qualcuno	Algunu calincunu cancunu	Algunu calincunu

cancunuCalencunu carchi unuCalencunu carchi unualtroatruatruateruateruTutto/iTotu totusTotu totusTotu totusTotu totusognidonniunuDonniaDonzi unuDonzi cadaciascunoCadunu, perómini Cada uno perómine qualsiasiCali, ChinissiatCali, ChinissiatCale, ChiessiatCale, ChiessiatpocopagupagupagupagumoltomedamedamedamedaabbastanzabastantibastantibastantebastanteparecchipariciuspariciusparitzosparitzosUn paioUna parigaUna parigaUna lobaUna lobatroppoTropu, medaTropu, medaTropu, medaTropu, meda

Cun is AGETIVUS DE NUMURU, podeus inditai cun seguresa sa cantidadi de is cosas, de is personas e de tottu su chi boleus inditai.

Is agetivus de numuru si dividint in duas famiglias, is agetivus “CARDINALIS” e is agetivus “ORDINALIS”. Is primus, tirau su numuru UNU e su numuru DUS, chi porint fai su plurali e sunt diferentis po mascu e femina (UNU/UNA – DUS/DUAS – UNUS/UNAS), no cambiant mai, mentras is “CARDINALI” mudant po mascu e femina e po singulari e plurali, e sunt formaus imperendi s’articulu.

Cardinali:

	Campidanesu	Lugudoresu
1	UNU/UNA UNUS/UNAS	UNU/UNA
2	DUS/DUAS	DUS/DUAS
3	TRES	TRES
4	CUATRU	BATORO
5	CINCU	CHIMBE
6	SES	SES
7	SETI	SETE
8	OTU	OTO
9	NOI	NOE
10	DEXI	DEGHE
11	UNDIXI	UNDIGHI
12	DOXI	DOIGHI
13	TREIXI	TREIGHI
14	CATODIXI	BATORDIGHI
15	CUINDIXI	BINDIGHI
16	SEIXI	SEIGHI
17	DEXESSETI	DEGHESSETE
18	DEXOTU	DEGHEOTO
19	DEXENOI	DEGHENOE
20	BINTI	BINTI
21	BINTUNU	BINTUNU
30	TRINTA	TRINTA
40	CORANTA	BARANTA
50	CINCUANTA	CHIMBANTA
60	SESSANTA	SESSANTA
70	SETANTA	SETANTA
80	OTANTA	OTANTA
90	NORANTA	NOBANTA
100	CENTU	CHENTU
101	CENT’E UNU	CHENT’E UNU
200	DUXENTUS	DUGHENTOS
1000	MILLI	MILLI

Ordinali:

Primo	Su de unu/sa de una – is de unu/is de una
Secondo	Su de dus/sa de duas – is de dus/ is de duas
terzo	Su de tres / sa de tres