Ajo’ a Fuedhai. Su contu de Maria Manfroga. (Parte seconda)

Continuiamo con il racconto iniziato la scorsa settimana interamente scritto in lingua sardo-campidanese da Bruno Orrù : sa Paristoria de “Maria Manfroga”. (parte seconda).

Per coloro che fossero interessati è possibile accedere gratuitamente ai contenuti dell’intera rubrica Ajo’ a fuedhai (racconti e lezioni di grammatica) cliccando qui.

Candu fui pitichedhu, jaja mia, Maria Teresa Floris, chi dhi praxiant meda is contus de spirìtus, pantasimas e dimonius, mancai fessi timorada de Deus meda meda, mi contàt custu contu……………

Unu tempus, in su pranu de aundi oi s’agatat Cuatucciu e Ceraxus, biviat una femmina mala e fengosa chi si tzerriàt Maria Mangrofa. Fit una femmina manna manna, meda prus manna de calisisiat femmina e prus leggia de s’annada mala. E no abastàt chi fessit leggia, ma fit sformada puru, narànt chi portessis duas titas aici mannas chi, po pori traballai nci dha sas ghetàt apitzus de is codhus po no dha sa imbrutai.

Maria Mangrofa teniat unu pobidhu puru, Pepi Crassoni dhi narànt, Prus mannu de Maria Mangrofa e prus artu de su Cuccur’e Arritzoni, narànt chi chi feti is pabaristas de is ogus suus fetzessint umbra po tres ominis.

Furint arricus, possidiant terras, bestiamini, loris…. ma furint asurius e ingordigiosus e furint gullosus de petza de cristianus, massimamenti chi fit petza de pupiu. A i cussus tempus, Gesu Cristu calàt fatu fatu de su xelu po biri de acanta ita faiant is ominis, aici, calau in Campidanu, Gesus si fit atobiau cun Pepi Crassoni e dhi aiat nau: “ Fetzimì sa caridadi, bon’omini, donghimì un’arroghedhu de pani ca tengu famini meda”. “ Chi ses bonu a mi troci de dus passus, ti dongu su pani”, aiat correspustu Pepi e Gesus, chi totu podiat, dh’aiat trociu sentza de perunu traballau. “Bai a domu” – dhi aiat nau Pepi – “Dhoi est Maria Mangrofa e ti donat totu su pani chi disiggias”.

Lompiu a pitzus, Gesu Cristi, aiat biu custa femmina manna manna e leggia che su famini e dhi aiat nau: “fetzamì sa caridadi bona femmina, donghimidhu un’arroghedhu de pani ca tengu famini meda e potu su stogumu a ischiulus” – “Pani??” – aiat torrau Maria Mangrofa – “ti dhu dongu deu su pani a corpus de fusti a conca…. e chi no coidas a ti ndi andai, acabbat chi de tui ndi fatzu una bella xena… bai, baidindi in ora mala”!

A i cussus fuedhus, Gesu Cristu, biendu totu sa malesa chi maridu e mulleri portànt arrexinada, dhi naràt: “ no , in ora mala as a bandai tui, pobidhu tuu e totu su chi possidis”. Unu nau unu fatu e Maria Mangrofa, Pepi Crassoni e totu su bestiamini cosa intzoru, si furint stramudaus in pedra e, de sa dì, nant chi Maria Mangrofa torrit bia de tanti in tanti po ndi pigai is pipius chi no ponint in menti, po si dhu sus papai.

Custu fit su contu de Jaja mia, ma sa paristoria de Maria Mangrofa est cosa chi s’agatat e chi beniat imperada po fai a timi cussus piciochedhus chi furint avessus a fai de conca intzoru sentza de ascurtai su babbu e sa mamma. Comenti siat nascia sa paristoria no est connotu, ma, massimamenti, sa paristoria de Maria Mangrofa connota in Campidanu narat chi sia nascia in sa terra chi antigamenti si tzerriat Kellarium (Cuatucciu in dì de oi) e chi sa Maria Mangrofa connota in is partis de susu, chi siat nascia in Orosei.

Mangrofa

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione /  Modifica )

Google+ photo

Stai commentando usando il tuo account Google+. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

Connessione a %s...