Dopo una breve interruzione, riprendiamo con  la  rubrica Ajo a Fuedhai.

Questa domenica vi propongo tre “contixedhus” un tempo usati per intrattenere i più piccoli.

L’esperto di lingua sardo-campidanese e di tradizioni  Bruno Orrù ci dona tre raccontini in rima, un tempo venivano chiamati “imbala pipiusu”.

Ricordiamo che gli interessati possono accedere gratuitamente ai contenuti dell’intera rubrica “Ajo’ a fuedhai” (racconti e lezioni di grammatica) cliccando qui. 
Buona lettura e serena domenica a tutti.

(Luca Olla)

Pregontu de mi iscusai chi po dus cidas no apu mandau nudha, ma fui attendendi sroga mia e apu tentu pagu tempus.
Immoi, in tempus de istadi, bolemu proponi un’argomentu chi, a parri miu, est bellu e fai prexeri ca poita, chini prus, chini mancu, eus tentu manera de intendi custus contus e chi fatu fatu si torrant a conca.
Sunt is IMBALA PIPIUS:
Imbala pipius sunt totus cussus contixedhus, massimamenti a rima, chi serbiant po istentai is pipius candu furint increscius. Nci sunt imbala pipius te tanti maneras, nci ndi sunt chi si assimbllant a pari, cun piticas diferentzias chi cambiant de bidha in bidha, nchi sunt imbala pipius tristus e imbala pipius alligrus, imbala pipius chi tenint sensu e imbala pipius chi no apicigant a nudha, ma sunt sempiri parti de sa cultura cosa nostra.
Siguramenti su imbala pipius prus connotu est su chi fait: Custu est su procu / Custu dh’at mortu / Custu dh’at abruschiau /custu si dh’at papau / e a pitirrinchinu chi at iscoviau no nde dh’ant donau.
Eus a biri custu puru. Deu nd’apu circau e allogau una bona cantidadi e, po nci passai s’istadi, si ndi propongu algunus dognia dominigu, biei chi dhu sus conosceis e chi s’arregodant su tempus passau.

Dinghilianna

Dinghilianna dinghilianna

Depeus fai una festa manna

Ca est siguru ca aintr’e ocannu

Custu pipiu diventat mannu,

Diventat mannu, abarrat deretu

Piciocu mannu picioch’e profetu,

Domu dhi fatzu in cammin’e Castedhu

Dhi fatzu arrobas, dhi compru capedhu,

Capedhu bellu, capedh’e sennori

E dh’arrecumandu a su Signiori,

Chi tengat sorti, chi tengat fortuna

E una mulleri bella che sa luna

Arta e liuda coment’e una canna

Dinghilianna Dinghilianna.

Gopai Andiriolla

Coment’andaus gopai Andiriolla?

Si benis m’agatas a dolor’e brenti,

M’est partu disiggiu de s’acua adrenti

E nd’apu buffau una limbicada.

De binu niedhu una carrada

Pustis de biancu unu tanti etotu.

Mi seu satzau unu boi cotu

E unu burricu a manu freau.

Tenemu disiggiu de su cibudhau

E mi seu papau trexentus cibudhas

E cincuanta pudhas cotas a cassola.

Comenti andaus Gopai Andiriolla

Deu Sciu

Deu sciu un’a cantzoni
de Perdu Pistilloni
de Perdu Pisti Pisti
cambus de prun’e Cristi
cambus de pruinscedha
toccat sa campanedha
toccadha a fort’a forti
chi s’intendat a corti
a cort’e cavalieri
bella mia piberi
bella mia incarnada
aundi ses andada ?
a fai sa regina
sa regina de totus santus
apu intendiu prantus
sunt prantus de dolori
est mortu su Signiori
est mortu e interrau
litara m’at mandau
litara beni iscrita
cun sonu de sa trombita
cun sonu de sa cadena
Maria de dolu est  pena
Maria est dolorosa
frisca che i sa rosa
frisca che i su lillu
Mamma de cudhu  fillu
mamma de cudhu santu
Babbu Fillu e Spiritu Santu.