Continuiamo con altri sei “contixedhus” un tempo recitati ai più piccoli.

L’esperto di lingua sardo-campidanese e di tradizioni  Bruno Orrù ci dona tre raccontini in rima, un tempo venivano chiamati “imbala pipiusu”.

Ricordiamo che gli interessati possono accedere gratuitamente ai contenuti dell’intera rubrica “Ajo’ a fuedhai” (racconti e lezioni di grammatica) cliccando qui. 
Buona lettura e serena domenica a tutti.

(Luca Olla)

Su carr’e Nannai

Oi oi mamma mia su carr’e nannai

Arrumbulat e sonat e no arriba mai,

Pustis, sei sei est arribau

E m’at sderrocau

Totu s’aposentu.

Sa mamm’e su bentu

Candu lompi sa noti

Cun d-unu momoti,

Si depit coiai

Po d’anninniai.

 Oi Oi

Oi oi ita dolori oi oi

Ca est mortu Billoi,

E chini dh’at mortu?

Su babbu suu etotu.

E ita dh’at donau?

Unu boi scorrau.

E ita dh’at aciuntu?

Unu sacu trapuntu,

E ita dhoi fudi in intr”e su sacu?

Innì dhoi fudi unu callelledhu bracu,

E ita dhoi fudi aintr’e su callelledhu?

Innì dhoi fudi unu moru niedhu,

E ita dhoi fudi in intr’e su moru?

Innì dhoi fudi una cascia de oru

E ita dhoi fudi aintr’e sa cascita?

Innì dhoi fudi una mela iscrita,

E ita dhoi fudi aintr’e sa mela?

Innì dhoi fudi unu pitz’e candela,

E ita dhoi fudi aintr’e su pitzu?

Innì dhoi fudi unu pram’e sartitzu,

E ita dhoi fudi in intr’e su pramu?

Innì dhoi fudi unu pipiu de annu,

E ita dhoi fudi aintr’e su pipiu?

Innì dhoi fudi una carrad’e biu,

E ita dhoi fudi aintr’e sa carrada?

Innì dhoi fudi una scupetada,

E ita dhoi fudi aintr’e sa scupeta?

Innì dhoi fudi una balla lenta,

E ita dhoi fudi aintr’e sa balla?

Innì dhoi fudi una cedr’e palla,

E ita dhoi fudi aintr’e sa cedra?

Innì dhoi fudi una piscedh’e medra.  

 

Antoni Antoni

Antoni Antoni

At sedhau su caboni

Insedhau e frenau

Immoi dh’as a mandai

Arena a pigai,

Aren’e mudregu

Po is bacas de tzegu

Is bacas de Totori

Tziu Turradori

Sciacua Sciacua

Sciacua sciacua

Cubedhas de acua

Cubedhas de binu

Ponidì in camminu

In camminu strangiu

A portai arangiu

Arangiu e limoi

Bai e torra a innoi. 

 

Serra Serra

Serra serra

Palas a terra,

Palas a muru

Su topi in culu

Su topi e sa gatu

Papendi in su pratu

Cun box’e sincerra

Cantant Serra Serra.

 

Serra Serra

Custu faimentu si faiat fendi setzi su pipiu in is genugus de sa mamma chi, tenendidhu a is manus, dhu santziàt resendi custu imbala pipius

Serra serra

Palas a terra

Palas a muru

Su topi in su muru

Muru su topi,

totu sa noti,

totu sa dì

e Chirighirighirighì  (e si faiant is callighitas)